Mladi iz Bara o aktivizmu i njegovom značaju za mlade

U prostorijama Omladinskog centra u Baru, 20. Maja 2024. godine, održana je radionica pod nazivom “Aktivizam i mladi”, u organizaciji Opštinskog tima MOACG Bar.

Na radionici su mladi Bara govorili o svojim dosadašnjim iskustvima u omladinskom aktivizmu. Razmijenili su sugestije, ali i prijedloge na koji način bi trebalo pospješiti sprovođenje i promociju omladinskog aktivizma. Bilo je riječi i o preprekama na koje mladi nailaze tokom svog društvenog angažmana, ali i tome kako sve te prepreke zaobići i ostvariti što većui uticaj na zajednicu.

Jako značajnim iskustvima učesnika radionice, kroz zanimljivu diskusiju, došlo se do zaključaka da je omladinski aktivizam jedna od najboljih stvari za koje mladi mogu izdvojiti svoje vrijeme. Pored iskazivanja sebe i svojih sposobnosti, kroz omladinski aktivizam stiču se navike, znanja i nova prijateljstva.

Kako ističe i sam koordinator Opštinskog tima MOACG Bar Jovan Joksimović: „Sumirano, omladinski aktivizam je sredstvo koje unaprijeđuje mlade ljude“.